Undirbúningur jólanna er hafinn hjá okkur í Mosfellsbakaríi. Við erum byrjuð að baka smákökur, en eigum líka til piparkökudeig fyrir þá sem vilja baka sjálfir. Við erum með 9 tegundir af smákökum: engiferkökur, kókosdrauma, hátíðarkökur, vanilluhringi, vanilludraum, súkkulaðibitakökur, gyðingakökur, hálfmána og salthnetukossa. Eins erum við með sörur og þrjár gerðir af lagkökum; jólalagkaka, lagkaka og hnoðterta.
Laufabrauðið okkar seljum við bæði steikt og ósteikt. Við verðum með fín- og rúgmjölslaufabrauð sem við seljum 20 saman í pk af ósteiktu og 10 í pakka af steiktu.
Piparkökur til að skreyta, erum með 4 gerðir af stórum piparkökum til að skreyta, karlar, kerlingar, hjörtu og jólatré. Þær eru með gati til að hengja upp.
Jólabrauðið bökum við daglega í desember, í því er meðal annars blandaðir ávextir, heslihnetur, kanill og appelsínuessens.
